Кіраўнік Беларусі 18 верасня падпісаў указ № 350 «Аб асаблівасцях выкарыстання нацыянальнага сегменту інтэрнэту». Пра гэта паведамілі ў адміністрацыі Аляксандра Лукашэнкі.
Дакумент дазваляе дзяржаўным органам, судам і натарыусам атрымліваць ад Аператыўна-аналітычнага цэнтру персанальныя звесткі ўладальнікаў даменных імёнаў. Таксама ўдакладняюцца паўнамоцтвы ААЦ для рэагавання на кібератакі.
Указ прадугледжвае накіраванне грошай, атрыманых на аўкцыёне ад продажу даменаў, на дабрачынныя рахункі ўстаноў, дзе жывуць дзеці-сіроты, дзеці і дзеці з асаблівасцямі развіцця.
Міністэрства сувязі і інфарматызацыі зможа быць заказчыкам і арганізатарам працаў па стварэнні, развіцці і эксплуатацыі нацыянальнага сегмента інтэрнэту ў інфармацыйнай сістэме ЕАЭС.
Апроч таго, спрашчаюцца працэдуры ўзгаднення оптавалакновых лініяў сувязі, узмацняецца жорсткасць патрабаванняў да пастаўшчыка інтэрнэт-паслугаў для павышэння абароненасці дзяржаўных органаў і арганізацыяў пры выкарыстанні інтэрнэту.
МГ belsat.eu
