Міністэрства архітэктуры і будаўніцтва разлічвае, што дакумент аб іпатэцы і будаўнічых ашчаджэннях падпішуць да канца года. Пра гэта ў эфіры СТВ паведаміў міністр архітэктуры і будаўніцтва Дзмітрый Мікулёнак.
Зараз праекты дакументаў адносна жыллёвых будаўнічых ашчаджэнняў і іпатэкі зараз знаходзяцца на ўзгадненні. Паводле міністра, яны ўжо дастаткова доўга ўзгадняюцца, таму ведамства разлічвае, што на працягу года іх прымуць.
Праект указа пра іпатэку распрацаваны на базе закона аб іпатэцы, там адрэгуляваныя ўсе праблемныя пытанні.
Дзмітрый Мікулёнак адзначыў, што ў свеце пакуль не прыдумалі нічога больш дзейнага за іпатэку.
«Чалавек атрымлівае жыллё і потым за яго плаціць. Але ва ўласнасці яно знаходзіцца або ў банку, або ў кагосьці, а чалавек выплачвае этапамі сумы за гэтае жыллё», – сказаў ён.
Паводле яго, для гэтага патрэбныя толькі некаторыя механізмы, якія гарантуюць бяспеку, у тым ліку самога чалавека.
Адносна будаўнічых ашчаджэнняў пытанне заключаецца ў назапашванні, якія павінны рабіць грамадзяне.
МГ belsat.eu
