Побач са знакамітым мостам «Залатая Брама» сабралася каля 120 чалавек.
У суботу 11 ліпеня ў амерыканскім горадзе Сан-Францыска каля 120 беларусаў сабраліся на акцыю салідарнасці ў падтрыманне людзей на Беларусі, якія былі аштрафаваныя, або кінутыя за краты цягам прэзідэнцкай выбарчай кампаніі 2020.
Яны сабраліся пад бел-чырвона-белымі сцягамі і плакатамі «Спыніце палітычныя рэпрэсіі на Беларусі», «Беларусь без дыктатара», «Лукашэнка, мы больш цябе не любім» і іншымі.
Гэта ўжо другая акцыя ў Сан-Францыска.
Акцыі салідарнасці былі арганізаваныя беларускай дыяспарай у 30 краінах свету. Найбольш шматлюдныя з іх сабралі каля тысячы чалавек.
КТ belsat.eu