Здарэнне адбылося ў нямецкім горадзе Фолькмарзэн, падае BBC.
29-гадовы кіроўца на срэбным «Мэрсэдэсе» праехаў праз барыкады і ўрэзаўся ў групу людзей каля 14:30 паводле мясцовага часу (16:30 паводле Менску).
Здарэнне адбылося падчас урачыстасцяў «Rosenmontag», «ружовага панядзелка», які завяршае карнавал, што пачаўся ў некаторых частках Нямеччыны, Бельгіі і Швейцарыі 11 лістапада.
«Bild» са спасылкай на начальніка паліцыі Франкфурту піша пра 30 параненых, сямёра з якіх атрымалі сур’ёзныя траўмы.
«Некаторыя ахвяры атрымалі траўмы, якія пагражаюць жыццю», – сказаў прадстаўнік паліцыі.
У якасці захадаў бяспекі ўлады зямлі Гесэн, дзе знаходзіцца Фолкмарзен, адмянілі ўсе карнавальныя шэсці.
ДД belsat.eu