Міністэрства жыллёва-камунальнай гаспадаркі Беларусі страціла чарговага прадстаўніка свайго кіраўніцтва. Гэтым разам з пасады сышоў намеснік міністра Віталь Смірноў.
Пастанова ўраду пра звальненне чыноўніка «ў сувязі са сканчэннем тэрміну дзеяння кантракту» была апублікаваная 30 чэрвеня.
Віталь Смірноў працаваў намеснікам міністра з чэрвеня 2018 года.
Нагадаем, што 30 траўня Аляксандр Лукашэнка звольніў кіраўніка Міністэрства жыллёва-камунальнай гаспадаркі Андрэя Хмеля, прызначыўшы яго кіраўніком Гарадзенскага аблвыканкаму. Ён узначальваў міністэрства з 2020 года.
Новага кіраўніка міністэрства не мае.
У выніку ўсіх адставак з кіраўніцтва ведамства застаўся на месцы толькі першы намеснік міністра Генадзь Трубіла.
Якуб Хруст belsat.eu