Аляксандр Лукашэнка заклікаў будаваць у гарадах Расеі гандлёвыя цэнтры з беларускаю прадукцыяй, каб не выкарыстоўваць пасярэднікаў у гандлі.
Пра гэта Лукашэнка заявіў падчас наведвання Першага нацыянальнага гандлёвага дому:
«У Пецярбурзе чаму б не пабудаваць такі будынак і завезці тавар. У Маскве, Смаленску, Бранску, Пскове… Побач зусім. І мы маглі б размяшчаць там свае тавары і прадаваць. Расейцы ж не супраць. Асабліва ў Пецярбурзе – людзі ідуць насустрач. Вывозь свой тавар і прадавай. І людзі на беларускае добра рэагуюць. Хацелася б, каб мы над гэтым падумалі.
А не тое, што мы за паўкошту аддаём нейкім жулікам [Лукашэнка меў на ўвазе пасярэднікаў. – Заўв. belsat.eu], і яны наш тавар прадаюць у Расеі. А потым мы іх саджаем пачкамі ў Беларусі ў турму за хабар».
Таму, на думку Лукашэнкі, трэба будаваць гандлёвы дом.
Глеб Нержын belsat.eu