29 ліпеня на Нацыянальным прававым інтэрнет-партале была апублікаваная пастанова Савету Міністраў № 482 ад 26 ліпеня. Дакумент уносіць змены ў пастанову ўраду № 860 ад 3 чэрвеня 2010 года.
Студэнты каля хімічнага факультэту БДУ.
Фота: Белсат
Палажэнне вызначае парадак арганізацыі практыкі навучэнцаў вышэйшых навучальных установаў, падвядзення яе вынікаў, а таксама матэрыяльнае забеспячэнне практыкі.
А вось змены ў гэтае палажэнне праходзяць у пастанове Савету Міністраў пад грыфам «для службовага карыстання».
Нягледзячы на гэты, яны набылі моц з дня прыняцця і нават распаўсюдзілі сваё дзеянне на практыку, якая пачалася раней, з 4 ліпеня.
Якуб Хруст belsat.eu
