Гарадская рада Марыупалю заявіла, што расейскія вайскоўцы вывезлі з музеяў гораду ў Данецк больш за 2 тыс. унікальных экспанатаў.
Сярод вывезеных экспанатаў – арыгінальныя творы Архіпа Куінджы і Івана Айвазоўскага, старажытныя іконы, надрукаванае ў венецыянскай друкарні Евангелле 1811 года і ўнікальны рукапісны скрутак Торы, больш за 200 медалёў з мастацкага музею медалёў Юхіма Харабэта.
Марыупальская гарадская рада рыхтуе матэрыялы ў праваахоўныя органы для пачатку крымінальнага працэсу і звароты ў Інтэрпол, гаворыцца ў паведамленні.
АД belsat.eu