У Менску 27 лютага пайшоў з жыцця вядомы беларускі сцэнарыст і драматург Аляксей Дудараў, паведамляе Беларускі саюз тэатральных дзеячаў. Яму было 72 гады.
Аляксей Дудараў быў старшынём Беларускага саюзу тэатральных дзеячаў. Ён аўтар п’есаў «Чорная панна Нясвіжу», «Князь Вітаўт», «Ядвіга», «Вечар», якія ставіліся ў беларускіх тэатрах і ўваходзяць у школьную праграму. Таксама ён аўтар сцэнара да мастацкага фільму «Белыя росы» ад Беларусьфільму.
Дудараў – заслужаны дзеяч мастацтваў, ён быў сябрам Саюзу пісьменнікаў СССР і чальцом Беларускага ПЭН-цэнтру. У 1991–2002 гадах займаў пасаду галоўнага рэдактара часопісу «Мастацтва», а з 2003 да 2013 года быў мастацкім кіраўніком Драматычнага тэатру Беларускай арміі.
Алена Рувіна belsat.eu