Белстат апублікаваў дадзеныя за жнівень. Паводле інфармацыі камітэта, намінальны налічаны сярэдні заробак у краіне – 1665 рублёў 50 капеек. У ліпені было менш на 21 рубель 50 капеек (на 1,3%).
Больш за ўсё грошай традыцыйна налічваюць у Менску: 2215 рублёў 70 капеек. Аўтсайдэр – Магілёўская вобласць, там працаўнік бачыць у сваім разліковым лістку ў сярэднім 1374 рублі. Разрыў – больш за 500 рублёў.
Раней Нацыянальны статыстычны камітэт адсправаздачыўся, што ў жніўні інфляцыя склала 0,1% у параўнанні з ліпенем, такім чынам, рост цэн за месяц амаль не «з’еў» гэтую прыбаўку.
Намінальны заробак – гэта так званы «брудны» заробак, які не ўлічвае падаткі і іншыя абавязковыя зборы.
Як раней паведамляў «Белсат», сёлета за сем месяцаў рэальныя даходы беларусаў упалі на 3,4%.
Сяргей Крот belsat.eu