У Віцебскай вобласці з прычыны моцнага снегу і ветру ўзніклі праблемы з пастаўкамі электрычнасці. Пра гэта паведамілі ў «Віцебскэнерга».
26 лютага ноччу і раніцай па Віцебшчыне прайшоў моцны снег, які суправаджаўся парывістым ветрам. Усё гэта парушыла працу электрасеткавага комплексу некаторых раёнаў, у тым ліку праз падзенне галінак і дрэваў на лініі электраперадачы.
Найбольш пацярпелі ад стыхіі Полацкі, Лепельскі, Расонскі, Ушацкі, Бешанковіцкі, Гарадоцкі і Шумілінскі раёны.
Ідуць працы для аднаўлення электразабеспячэння ў 113 населеных пунктах.
Працу энергетыкам ускладняюць дрэвы, якія ўпалі на дарогі і прасекі ды перашкаджаюць хутка дабрацца да месцаў пашкоджанняў.
Якуб Хруст belsat.eu