У аўторак, 25 ліпеня, найбуйнейшыя ізраільскія газеты «Yediot Aharonot», «Haaretz», «Calcalist» і «Israel Hayom» выйшлі з чорнымі прамавугольнікамі на першых старонках. Пад імі надпіс – «Чорны дзень для ізраільскай дэмакратыі».
Гэтак медыі паказваюць свой пратэст супраць судовай рэформы, першую частку якой надоечы ўхваліў парламент.
Судовая рэформа сёлета выклікала самыя маштабныя пратэсты ў гісторыі Ізраілю. 24 ліпеня Кнесет (ізраільскі парламент) прыняў першы з прадугледжаных рэформаю законапраектаў, які абмяжоўвае права Вярхоўнага Суда адмяняць рашэнні, прынятыя ўрадам.
Пасля прыняцця гэтага законапраекту ў Ізраілі аднавіліся пратэсты, якія распачаліся 7 студзеня 2023 года, праз тры дні пасля абвяшчэння судовай рэформы. На акцыі тады выходзілі сотні тысяч чалавек.
Марыя Міхалевіч belsat.eu