Транспартная інспекцыя Міністэрства транспарту і камунікацыяў Беларусі пастанавіла ўзмацніць кантроль за маршрутнымі таксі. Пра гэта заявілі ў ведамстве.
Аварыя пад Смалявічамі.
Фота: sudexpert.gov.byМа
Як паведамляецца, гэта робіцца «ў мэтах кантролю за выкананнем правілаў перавозкі пасажыраў, гарантавання іхнай бяспекі».
У Транспартнай інспекцыі нагадалі, што перад выхадам маршруткі ў рэйс неабходна:
- праверыць наяўнасць неабходнага абсталявання і транспартных дакументаў;
- агледзець вонкавыя і ўнутраныя элементы афармлення, уключна з нумарнымі знакамі;
- агледзець, ці няма няспраўнасцяў і ўмоваў, што забараняюць паездкі;
- праверыць кіроўцу на адпаведнасць патрабаванням заканадаўства;
- праверыць праходжанне ім перадрэйсавага медабследавання і пракантраляваць тэхнічны стан маршруткі;
- выявіць, ці выконваў кіроўца рэжым працы і адпачынку.
20 лютага на трасе каля Смалявічаў маршрутка з людзьмі сутыкнулася з гружаным МАЗам. У аварыі загінулі 11 асобаў, сярод якіх дзіця. У больніцу ў Смалявічах шпіталізавалі 9 асобаў.
Следчы камітэт завёў крымінальную справу паводле ч. 3 арт. 317 КК («Парушэнне Правілаў дарожнага руху, якое прывяло з неасцярожнасці да смерці дзвюх і болей асобаў»).
Якуб Хруст belsat.eu
