«Беларускі Гаюн» паведаміў пра антынаркатычную аперацыю ў вайсковай частцы ў Мазыры
Наркотыкі шукалі ў 1052-м асобным радыётэхнічным батальёне 49-й радыётэхнічнай брыгады. Паводле звестак Telegram-каналу «Беларускі Гаюн», у аперацыі задзеялі адмыслова навучанага сабаку.
Змаганне з ужываннем наркотыкаў сярод вайскоўцаў набірае хаду, піша «Беларускі Гаюн». Забароненыя рэчывы шукалі ў 1052-м асобным радыётэхнічным батальёне 49-й радыётэхнічнай брыгады, гэта вайсковая частка № 48694 у Мазыры. Кабінеты і казармы аглядалі з удзелам службовага сабакі. «Спецаперацыю» зладзілі прадстаўнікі вайсковай камендатуры разам з кіналагічным цэнтрам Узброеных сілаў.
Гэтыя захады тлумачацца «процідзеяннем спажыванню і распаўсюджванню наркатычных сродкаў».
Калі правялі гэты вобшук і ці знайшлі ў вайсковай частцы што-небудзь падазронае, не ўдакладняецца.
Сяргей Крот belsat.eu
