Гатэль Crowne Plaza закрываецца з 20 лістапада і на невызначаны тэрмін, паведамляецца на яго афіцыйным сайце.
«Мы вымушаныя паведаміць, што наш гатэль не будзе аказваць гасцінічныя паслугі пачынаючы з 20 лістапада 2023 года, тэрміны аднаўлення працы гатэля на дадзены момант невядомыя. Просім прабачэння за дастаўленыя нязручнасці», – адзначаецца ў паведамленні.
Апошняе паведамленне ў Instagram Crowne Plaza зроблена 21 ліпеня 2023 года. Там заклікаюць галасаваць за гатэль у намінацыі вядучы бізнэс-гатэль Беларусі сусветнай прэміі «World Travel Awards 2023».
Crowne Plaza працаваў у Менску з 2008 года і быў першым пяцізоркавым гатэлем у Беларусі. Яго ўладальнік – турэцкі мільярдэр Судзі Эскан.
Арсен Рудэнка belsat.eu