Харкаўская абласная вайсковая адміністрацыя паведамляе, што ў выніку расейскага абстрэлу Купянску былі параненыя 11 чалавек, а ў Валчанску адзін чалавек загінуў.
«Вораг увесь дзень наносіць артылерыйскія ўдары па Купянску», – паведамляе кіраўнік Харкаўскай абласной вайсковай адміністрацыі Алег Сінэгубаў.
Паводле ўладаў, у Купянску ў выніку неаднаразовых артылерыйскіх удараў 11 чалавек атрымалі раненні. Сем з іх цяпер у цяжкім стане, трое – у стане сярэдняй цяжкасці. Аднаму пацярпеламу медыкі аказалі дапамогу на месцы здарэння.
Пашкоджаныя аўтамабілі мясцовых жыхароў і будынак пошты.
У Ваўчанску Чугуеўскага раёну Харкаўшчыны расейцы абстралялі тэрыторыю нядзейнай лячэбнай установы і прыватны сектар гораду. Ад асколачнага ранення загінуў мужчына 1952 года нараджэння.
Глеб Нержын belsat.eu