Да беларускіх дзяржсакрэтаў не дапусцяць з разладамі настрою, а вось лёгкая і сярэдняя дэпрэсія не стане перашкодай для такой працы.
Міністэрства аховы здароўя Рэспублікі Беларусь.
Фота: belnaviny.by
На Нацыянальным прававым інтэрнэт-партале 19 жніўня апублікавалі Пастанову № 82 Міністэрства аховы здароўя з зацверджаным спісам хваробаў, якія перашкаджаюць працы з дзяржаўнымі сакрэтамі.
У Спіс уключаныя наступныя захворванні:
- арганічныя, у тым ліку сімптаматычныя, псіхічныя разлады;
- псіхічныя разлады і разлады паводзінаў, звязаныя з ужываннем псіхаактыўных рэчываў;
- шызафрэнія, шызатыпічныя разлады і разлады з трызненнем;
- разлады настрою (афектыўныя разлады), за выключэннем дэпрэсіўнага эпізоду лёгкай і сярэдняй ступені;
- абсэсіўна-кампульсіўны разлад;
- дысацыятыўны (канверсійны) разлад;
- разлад асобы і паводзінаў у сталым узросце;
- разумовая адсталасць;
- эпілепсія.
Пастанова набывае моц 1 верасня 2022 года.
Марыя Міхалевіч belsat.eu