Цяпер аплаціць паслугі «Белпошты» картамі замежных банкаў можна толькі на 500 рублёў за тыдзень, напісана на сайце пошты. Паведамляецца, што гэта часовы крок, аднак колькі працягнецца абмежаванне – не сказана.
«У аб’ектах паштовай сувязі часова ўстаноўлена абмежаванне на правядзенне аперацый аплаты паслуг з выкарыстаннем банкаўскіх плацежных карт, эмітаваных банкамі-нерэзідэнтамі, у суме 500 беларускіх рублёў для адной банкаўскай плацежнай карты на працягу тыдня», – гаворыцца ў паведамленні.
Акрамя гэтага, з 4 ліпеня «Белпошта» увяла плату за выдачу і пералік гатоўкі пры выплаце ўваходных міжнародных паштовых грашовых пераводаў у аддзяленнях пошты і з дому. Плата складае 15 % ад сумы пераводу, але не спаганяецца пры выплаце міжнародных паштовых грашовых пераводаў у выпадку сацыяльна значных негандлёвых плацяжоў.
Алена Рувіна belsat.eu