Сілавікі ў Гомлі ўчынілі для школьнікаў паказальны арышт, паведамляе «Гомельская праўда». Гэта адбылося ў актавай зале аддзелу ўнутраных справаў адміністрацыі Цэнтральнага раёну Гомля.
Паведамляецца, што маладога хлопца, які раней вучыўся ў адным з гомельскіх каледжаў, затрымалі за незаконны абарот наркотыкаў.
У актавай зале РАУС сабралі ягоных равеснікаў з іншых навучальных установаў гораду, паказалі тэматычныя фільмы пра шкоду наркотыкаў, а пасля вывелі самога затрыманага. Затрыманы хлопец звярнуўся да прысутных і параіў не звязваць сваё жыццё з наркотыкамі. Некаторыя гледачы плакалі.
На думку сілавікоў, такія захады маюць добры прафілактычны эфект. Пракурор таксама заявіў, што аднакурснікі і сябры затрыманага таксама вінаватыя. А адзін з сілавікоў заўважыў, што каля кожнай «закладкі» стаіць міліцыянт.
Алена Рувіна belsat.eu
