Кіберпартызаны дапоўнілі так званую «Мапу даносчыкаў». Гэтым разам хакеры дадалі яшчэ 4495 асобаў, якія паведамлялі сілавікам пра сваіх суседзяў, што выходзілі на пратэсты супраць гвалту і фальсіфікацыяў.
Раней Кіберпартызаны распавялі, што ўзламалі базу выклікаў 102 і супольна з blackmap.org, «Кааліцыяй Пратэстных Двароў» і аб’яднаннем «Фрунзенскі рух» вылічылі тых асобаў, якія тэлефанавалі ў міліцыю і паведамлялі сілавікам пра мірныя сходы, або з’яўленне бел-чырвона-белай сімволікі. Хакеры стварылі «Мапу даносчыкаў», у якую дадалі яшчэ 4495 новых «даносчыкаў».
Такім чынам цяпер на «Мапе даносчыкаў», якая змяшчае імя і прозвішча, адрас і тэлефон кожнага з інфарматараў, змест іхных даносаў, 8777 асобаў.
АА belsat.eu