Урад Літвы пастанавіў скасаваць двухбаковае пагадненне паміж Літвой і Беларуссю аб транспамежнай супрацы. Пра гэта паведамляе DELFI.
У Вільні ўсё меней жадаюць працаваць з афіцыйным Менскам. Пасля фальсіфікацыі выбараў у 2020 годзе, а потым штучнага міграцыйнага крызісу супраць краінаў ЕЗ і ўцягванне ў вайну супраць Украіны на баку Расеі, урад Літвы скасаваў дамову аб транспамежнай супрацы.
«Рэалізацыя пагаднення ў існай геапалітычнай сітуацыі не ўяўляецца магчымай і вельмі верагодна, што яго рэалізацыя будзе немагчымая ў бліжэйшы час», – гаворыцца ў пастанове ўраду Літвы.
Пагадненне з Беларуссю аб транспамежнай супрацы падпісалі ў 2006 годзе. Дамова прадугледжвала супрацу ў шэрагу галінаў: ад экалогіі, да сферы дзелавой інфраструктуры, транспамежнага перамяшчэння транспартных сродкаў і пасажыраў і інш.
Яшчэ ў 2020 годзе Літва прыпыніла фінансаванне праектаў праграмы.
Алена Аляксандрава belsat.eu
