У Беларусі пачало праводзіцца комплекснае правяранне баявой гатовасці на даручэнне Аляксандра Лукашэнкі. Яно павінна вызначыць гатовасць вайсковых частак і падраздзяленняў выконваць пастаўленыя задачы.
У рамках правярання да выканання вучэбна-баявых задачаў прыступілі чарговыя падраздзяленні механізаваных злучэнняў, паведамляе тэлеграм-канал Міністэрства абароны Рэспублікі Беларусь.
Згодна з паведамленнем, войскі ў кароткія тэрміны здзейсняць маршы ў прызначаныя раёны, дзе будуць выконваць нарматывы па прадметах баявой падрыхтоўкі. Будуць таксама праводзіцца кантрольныя прабегі вайсковай і спецыяльнай тэхнікі.
У рамках правярання прадугледжанае перасоўванне тэхнікі і асабовага складу вайскоўцаў па дарогах агульнага карыстання ў Менскай, Гарадзенскай, Берасцейскай і Віцебскай вобласцях.
Апошні раз такое правяранне праводзілася 3 кастрычніка.
Раман Шавель belsat.eu
