Міністэрства замежных справаў Кітая заклікала сваіх грамадзянаў тэрмінова пакінуць Украіну. Тлумачыцца гэта «складанай сітуацыяй з бяспекай», піша газета «China Daily».
Кітай рэкамендаваў сваім грамадзянам тэрмінова з’ехаць з Украіны «у сувязі са складанай сітуацыяй з бяспекай». Пра гэта са спасылкай на прэс-рэлізы кітайскага МЗС і амбасады Кітая ў Кіеве піша газета «China Daily».
Грамадзянам таксама параілі ўзмацніць захады бяспекі і неадкладна звязацца з дыпламатычнымі прадстаўніцтвамі ва Украіне, каб пакінуць звесткі пра сябе. Тым, хто захоча эвакуявацца, абяцаюць дапамогу.
Дагэтуль такі ж заклік да сваіх грамадзянаў Кітай, як і іншыя дзяржавы, рабіў пасля расейскага ўварвання ва Украіну. 7 красавіка Пекін паведаміў пра эвакуацыю большасці кітайцаў. Да вайны ва Украіне знаходзіліся каля 6 тысяч грамадзянаў КНР.
Сяргей Крот belsat.eu