Былому сустаршыні партыі «Апазіцыйная платформа – За жыццё», народнаму дэпутату Украіны Віктару Медведчуку суд абраў меру стрымання ў выглядзе ўтрымання пад вартай без права ўнясення закладу, паведамляе радыё «Свабода».
У Лычакіўскім раённым судзе Львова нагадалі, што 10 студзеня Медведчука змясцілі пад хатні арышт з забаронай на выхад з дому, але 26 лютага яго не было па месцы жыхарства. 27 лютага стала вядома, што Віктар Медвядчук уцёк з-пад хатняга арышту, пад якім ён знаходзіўся ў некалькіх працэсах, у тым ліку аб дзяржаўнай здрадзе.
Тым часам жонка Медзведчука нарэшце звярнулася да кума. Аксана Марчанка сказала, што Медзвядчук згодны на абмен і перадачу яго ў Расею, а яна сумняецца ў справядлівасці ўкраінскага суда.
Сёння стала вядома, што ўкраінскага лабіста расейскіх інтарэсаў адправілі пад варту з хатняга арышту.
Зяленскі таксама гаварыў, што згодны на абмен Медзведчука. Але Крэмль на гэты конт маўчыць.
Марчанка рабіла і іншыя заявы апошнім часам.
2 сакавіка Медвядчук быў абвешчаны ў дзяржаўны, міждзяржаўны і міжнародны вышук.
Вечарам 12 красавіка прэзідэнт Украіны Уладзімір Зяленскі абвясціў аб затрыманні Віктара Медведчука. Пазней ён прапанаваў абмяняць затрыманага на захопленых расейцамі ўкраінцаў.
МГМ, belsat.eu
