Аляксандр Лукашэнка 16 лютага падпісаў Закон «Аб змене Выбарчага кодэкса». Аб гэтым паведамляе ягоная прэс-служба.
У прыватнасці, папраўкі прадугледжваюць дадатковыя патрабаванні да кандыдатаў у дэпутаты: цяпер кандыдатам забаронена мець грамадзянства замежнай дзяржавы, карту паляка ды іншыя «падобныя дакументы».
Акрамя таго, скасаваны парог яўкі на выбарах у Палату прадстаўнікоў.
Фота- і відэаздымка запоўненага бюлетэня цяпер будзе забаронена афіцыйна. Зменены таксама час датэрміновага галасавання: будзе праходзіць з 12 да 19 гадзін без перапынку (было з 10 да 14 гадзін і з 16 да 19 гадзін).
Глеб Нержын belsat.eu