Масленіца – старажытнае славянскае свята, якое мае паганскія карані і першапачаткова было звязанае з вясновым сонцаваротам, але з цягам часу было адаптаванае хрысціянствам. Дата святкавання цяпер залежыць ад тэрмінаў Вялікага паста ў Праваслаўнай Царкве – Масленіца адзначаецца ў нядзелю перад пачаткам паста. Сёлета гэта 17 сакавіка, пост пачынаецца 18-га. Адзін з галоўных сімвалаў Масленіцы – гэта, безумоўна, бліны. Мы выбралі пяць рэцэптаў на любы густ – ад класічных да веганскіх.
Для прыгатавання класічных бліноў вам спатрэбяцца:
Прыгатаванне:
У глыбокай місцы трэба ўзбіць яйкі з соллю і цукрам. У атрыманую сумесь уліць палову патрэбнай колькасці халоднага малака. Добра змяшаць да аднастайнай кансістэнцыі. Муку прасеяць праз дробнае сіта і паступова дадаць у яечна-малочную сумесь, змешваючы да атрымання цеста кансістэнцыі аднастайнай смятаны. Вельмі важна, каб не было камякоў. Дадаць у цеста рэшткі малака і старанна змяшаць. Потым уліць алей, яшчэ раз змяшаць. Смажце бліны з абодвух бакоў да залацістага колеру на патэльні, змазанай алеем.
У гэтым рэцэпце да класічных бліноў дадаецца тварог, што робіць іх яшчэ больш сакавітымі і смачнымі.
Складнікі:
Для начынкі:
Класічныя бліны гатуюцца як у рэцэпце вышэй. Для прыгатавання начынкі ў тварожную масу дадаем яйка, цукар, ванілін, смятану. Усё добра перамешваем. Выкладваем 1 – 2 сталовыя лыжкі начынкі на блін, раўнамерна размазваем і зварочваем блін рулецікам.
Бліны з начынкай пакладзіце ў рондаль, дадайце кавалак сметанковага масла, пастаўце ў духоўку ці печку на 30 хвілінаў.
Да класічных бліноў можна дадаваць любыя складнікі, не толькі тварог, а яшчэ мёд, сочыва, цукар, якім можна проста пасыпаць бліны.
У гэтым рэцэпце выкарыстоўваюцца раслінныя складнікі, якія, тым не менш, захоўваюць смак бліноў.
Вам спатрэбяцца:
Прыгатаванне:
У місцы разамніце банан відэльцам да стану пюрэ. Дадайце расліннае малако, алей, соль і цукар (калі выкарыстоўваеце) і добра перамяшайце. Паступова дадавайце муку і працягвайце перамешваць, каб пазбегнуць камякоў. Разагрэйце патэльню і змажце яе раслінным алеем. Выліце цеста на патэльню і раўнамерна размяркуйце яго па ўсёй паверхні. Смажце бліны з абодвух бакоў да залацістага колеру.
Гэта рэцэпт ад Алены Серады – гаспадыні харчэўні «Палюшкі» у Тураве. У блінах «з прыпёкам» прыпякаюць розныя начынкі – яйкі, грыбы, гародніну і інш.
Інгрэдыенты:
Спосаб прыгатавання:
Змяшаць кефір з яйкамі. Дадаць муку і астатнія інгрэдыенты, акрамя кіпеню. Размяшаць і ўліць кіпень. Інгрэдыенты для прыпёку нарэзаць дробна. Уліць цеста ў разагрэтую патэльню, зверху дадаць прыпёк, смажыць да залацістага колеру, перавярнуць, смажыць 1 – 2 хвіліны. Зняць з патэльні і пакласці на талерку прыпёкам уверх. Прыпёк можа быць абсалютна розным: салодкім, салёным, з ягадамі, садавіной, любым мясам.
Бліны на рошчыне – ідэальныя для падачы з мачанкай.
Інгрэдыенты:
Спачатку трэба прыгатаваць апару, для чаго ўліць у міску дзве траціны патрэбнай колькасці малака ці вады, падагрэтых да 35–40 °С, развесці ў іх дрожджы, усыпаць палову мукі, размяшаць да аднароднай кансістэнцыі, накрыць палатняным ручніком і паставіць у цёплае месца на 1 – 1,5 гадзіны.
Калі рошчына падыдзе, дадаць цукар, соль, яйка, алей або маргарын, муку, якая засталася, падагрэтае малако, якое засталося, добра вымешаць і даць падысці ў цёплым месцы, затым зноў перамяшаць цеста і зноў паставіць у цёплае месца. Калі цеста зноў падыдзе, перамяшаць, дадаць нацёртыя на тарку сырыя бульбіны, перамяшаць і выпякаць на алеі.
Падаваць з мачанкай.
Самы просты рэцэпт мачанкі: мясныя абрэзкі, вэнджанае альбо салёнае сала, вяндліны, каўбасы і т.п. нарэзаць дробнымі кавалкамі і смажыць на патэльні. За хвіліну да гатоўнасці дадаць смятану і можна крыху мукі для загушчэння. Мачанка гатовая.
Ганна Ганчар belsat.eu