Сілавікі пачалі затрымліваць людзей, якія напісалі каментары з нагоды смерці намесніка начальніка Шчучынскага РАУС Сяргея Асавіка, які памёр на працоўным месцы, піша «Hrodna.life».
Праўладныя каналы напісалі пакуль пра аднаго затрыманага, але адзначылі, што такі каментар быў не адзіны.
Затрыманы – 42-гадовы мужчына, у якога шэсць судзімасцяў, у тым ліку за забойства. Затрыманне праводзілася супрацоўнікамі ГУУБ МУС Гарадзенскай вобласці.
Намеснік начальніка Шчучынскага РАУС падпалкоўнік Сяргей Асавік памёр на працоўным месцы 29 лістапада 2023 года, дактары не змаглі выратаваць ягонага жыцця.
Нагадаем, што ў кастрычніку 2021 года за каментары ў інтэрнэце з нагоды смерці супрацоўніка КДБ Федасюка падчас штурму кватэры Андрэя Зельцара былі арыштаваныя каля 200 асобаў, многія з іх атрымалі рэальныя тэрміны.
Раман Шавель belsat.eu