У Беларусь прыляцелі тры расейскія звышгукавыя знішчальнікі-перахопнікі Міг-31К. Яны накіраваліся на ваенны аэрадром у Мачулішчах, паведамляе маніторынгавая група «Беларускі Гаюн». На час палёту па ўсёй тэрыторыі Украіны была абвешчана паветраная трывога.
Знішчальнікі здольныя несці гіпергукавыя аэрабалістычныя ракеты Х-47М2 «Кінжал» і атакаваць мэты на адлегласці ў 2000 км. Рэгістрацыйныя нумары самалётаў – RF-95194, RF-92445, RF-92215.
Такія знішчальнікі ўжо прыляталі ў Беларусь у кастрычніку для ўдзелу ў «сумеснай групоўцы войскаў», але 1 снежня вярнуліся ў Расею.
12 снежня «Беларускі Гаюн» паведамляў, што Расея перакінула ў Беларусь яшчэ 13 танкаў Т-72.
Эшалон з танкамі быў адпраўлены 8 снежня з чыгуначнай станцыі ў Кастрамская вобласці РФ і прыбыў на чыгуначнаю станцыю Заслонава ў Віцебскай вобласці 10 снежня. Паблізу станцыі Заслонава знаходзіцца палігон «Лепельскі», дзе з кастрычніка размяшчаецца адна з груп салдат ВС РФ, магчыма мабілізаваных.
Чытайце па тэме:
У Беларусі пачалося маштабнае правяранне баявой гатовасці арміі
Алена Рувіна belsat.eu
