Пра афіцыйную цырымонію ўручэння Нобэлеўскай прэміі міру, адным з лаўрэатаў якой стаў беларускі праваабаронца Алесь Бяляцкі, афіцыйныя дзяржаўныя медыі не паведамілі зусім. Выданне «Зеркало» прыходзіць да высновы, што дзяржвыданням паставілі табу на асвятленне гэтай тэмы.
Пра беларуса Алеся Бяляцкага, які атрымаў сёлета Нобэлеўскаю прэмію міру, дзяржаўныя медыі нашай краіны не напісалі ў момант абвяшчэння пераможцаў, а таксама праігнаравалі інфармацыю пра ўручэнне прэміі. 10 снежня ў Нарвегіі адбылася цырымонія ўручэння Нобэлеўскай прэміі міру, лаўрэатамі якой сталі заснавальнік беларускага праваабарончага цэнтру «Вясна» Алесь Бяляцкі, украінскі «Цэнтр грамадзянскіх свабод» і расейскі фонд «Мемарыял».
Афіцыйныя СМІ не ўзгадалі пра гэта, пры тым, што ўпершыню беларус атрымаў Нобэлеўскую прэміі міру. Выглядае, што чыноўнікі забаранілі рэдакцыям інфармаваць сваіх чытачоў і гледачоў пра гэтую падзею.
Алесь Бяляцкі цяпер за кратамі, праваабаронцы прызналі яго палітвязнем. У выніку беларусаў, якія маюць доступ толькі да незаблакаваных медыяў, пазбавілі магчымасці даведацца пра гэтую падзею.
Замест Бяляцкага прэмію паехала прыняць ягоная жонка Наталля Пінчук. Раней яна выступіла на прэс-канферэнцыі з лаўрэатамі. Бяляцкі застаецца ў няволі ўжо паўтара года, але ён ведае, што зрабіўся набэліятам.
Алена Аляксандрава belsat.eu