20 ліпеня Вярхоўны Суд разгледзіць справу аб ліквідацыі КХП БНФ. Працэс спынення дзейнасці партыі распачало Міністэрства юстыцыі.
Вярхоўны Суд распачынае разгляд позваў Міністэрства юстыцыі аб ліквідацыі палітычных партыяў, якія не прайшлі перарэгістрацыі. Працэдуру перарэгістрацыі арганізацыі абавязаныя былі прайсці паводле новага закону аб палітычных партыях. Згодна з патрабаваннямі, партыі павінныя перадаць у Мінюст пакет дакументаў, сярод якіх і спіс сябраў. Але з увагі на бяспеку сябраў некаторыя партыі адмовіліся выконваць гэтае патрабаванне. У выніку міністэрства накіравала позвы ў суд аб ліквідацыі палітычных арганізацыяў. Улады маюць намер закрыць Беларускую партыю «Зялёныя» і АГП.
20 ліпеня ў Вярхоўным Судзе разгледзяць справу аб ліквідацыі Кансерватыўна-хрысціянскай партыі БНФ.
Алена Аляксандрава belsat.eu
