Мужчына выпаў з акна аднаго з дамоў на праспекце Ракасоўскага, у мікрараёне Серабранка. Пасля ў кватэры, дзе ён жыў, знайшлі труп жанчыны, паведамляе прэс-служба МУС.
Відавочцы паведамілі пра гэта ў міліцыю каля 18:30. Папярэдне ўстаноўлена, што пацярпелы – 36-гадовы мянчук. У яго кватэры знойдзена цела 33-гадовай жанчыны з прыкметамі гвалтоўнай смерці.
Цяпер мужчына дастаўлены ў шпіталь.
На месцы працуе следча-аператыўная група, высвятляюцца абставіны здарэння.
АД, belsat.eu