Праваабарончая супольнасць Беларусі прызнала палітвязнямі яшчэ дзесяць асобаў – усе пазбаўленыя волі за «групавыя дзеянні, якія груба парушаюць грамадскі парадак». Так улады называюць мірныя пратэсты.
Праваабарончы цэнтр «Вясна» паведаміў 8 чэрвеня аб супольным рашэнні шасці праваабарончых установаў прызнаць палітычнымі зняволенымі 10 чалавек. Палітвязнямі названыя:
Ранкам праваабаронцы прызналі палітвязнямі яшчэ двух журналістаў: Алеся Любенчука і Канстанціна Залатых.
Праваабаронцы нагадваюць, што свабода мірных сходаў гарантаваная артыкулам 21 Міжнароднага пакту аб грамадзянскіх і палітычных правах, да якога Беларусь далучылася яшчэ ў складзе Савецкага Саюзу.
«Выступы грамадзянаў насілі стыхійны, самаарганізаваны характар і былі выкліканыя недаверам да вынікаў выбараў прэзідэнта Рэспублікі Беларусь, якія адбыліся 9 жніўня 2020 года і праходзілі са шматлікімі парушэннямі і фальсіфікацыямі, не былі прызнаныя міжнароднай супольнасцю як дэмакратычныя, справядлівыя і свабодныя, – пішуць праваабаронцы. – Сходы грамадзянаў насілі мірны характар і не ўяўлялі пагрозы ні нацыянальнай, ні грамадскай бяспецы. Нягледзячы на гэта, дэманстранты былі атакаваныя спецпадраздзяленнямі МУС з непрапарцыйным прымяненнем фізічнай сілы, спецсродкаў і зброі».
Праваабаронцы заклікаюць неадкладна вызваліць гэтых і ўсіх іншых палітычных зняволеных, спыніць іх крымінальны пераслед.
Такім чынам, у Беларусі ўжо 1232 чалавекі прызнаныя палітычнымі зняволенымі. Але зняволеных з палітычных прычынаў, імаверна, больш. Праваабаронцы правяраюць кожную справу на адпаведнасць азначэнню «палітвязень» і проста не паспяваюць за рэпрэсіўнай машынай.
Алесь Наваборскі belsat.eu