Ваенны аналітык Джастын Крапм распавёў ВВС, што баявыя дзеянні ва Украіне перайшлі ў рытм, які нагадвае траншэйную вайну Першай сусветнай. Выканаўчы дырэктар кансалтынгавай кампаніі па бяспецы «Sibylline», адзначыў, што канфлікт стаў мікраўзроўневым.
Крапм выказаў меркаванне, што армія, якая абараняецца, у дадзены момант будзе мець перавагу ў любой бітве.
«У цяперашніх умовах Расеі пашанцуе захапіць хаця бы поле за 24 гадзіны», – адзначыў эксперт.
У некаторых месцах гэта спрыяе ўтрыманню ўкраінцаў на сваёй тэрыторыі. У іншых, гэта падыходзіць расейскім войскам, якія займаюць захопленыя імі гарады.
Крамп, былы вайсковец брытанскай арміі, кажа, што Расея, здаецца, мае невялікі імпульс – бо яе войскі «ідуць наперад». Масква захоча захапіць Севераданецк, а потым і астатнюю частку ўсходняга Данбасу, каб абвясціць «хоць якую перамогу».
Аналітык мяркуе, што далей Крэмль пастараецца рушыць на Запарожжа, а потым зробіць новую спробу ў Харкаве і прыкладзе намаганні захапіць Адэсу на паўднёвым узбярэжжы. Крамп кажа, што расейская стратэгія вайны на знясіленне працуе.
У выніку дрэннай тактыкі і іншых недахопаў Расея таксама паказала, што можа паспяхова атакаваць толькі па адной восі адначасова, сцвярджае Крамп.
Аналітык кажа, што з пункту гледжання Украіны, пастаўкі высокадакладнай зброі ад заходніх краін у выглядзе ракетных установак, нядаўна абяцаных ЗША і Вялікабрытаніяй – не з’яўляюцца «срэбнай куляй». Эксперт сцвярджае, што канфлікт стаў менш дакладным.
Ён кажа, што застаецца пытанне, як доўга заходнія краіны будуць падтрымліваць Украіну.
Раман Лугоўскі belsat.eu
