Былы дырэктар кнігавыдавецтва «Беларускі кнігазбор» Генадзь Вінярскі напісаў сёння у сваім Фэйсбуку, што кніга Віктара Марціновіча «Рэвалюцыя» была «рэабілітаваная».
Ці значыць гэта, што кнігу можна будзе свабодна прадаваць у Беларусі, не зразумела. Тым не менш гэта можа быць сведчаннем таго, што, верагодна, за валоданне гэтай кнігай арыштоўваць не павінны.
Нагадаем, што 4 студзеня 2021 года падчас ператрусу ў «Беларускім кнігазборы» сілавікі канфіскавалі ўвесь наяўны тыраж раману «Рэвалюцыя» Віктара Марціновіча – усяго 558 асобнікаў. Пры гэтым былі забраныя нават бракаваныя экземпляры. З таго ж часу беларуская мытня перастала прапускаць за мяжу пасылкі з раманам.
Цікава, што 30 ліпеня 2021 года Віктар Марціновіч паведаміў, што заўважыў, як ягоны раман прадаецца на сайце крамы канфіскату з пазнакай «б/у, без бачных дэфектаў».
Раман Шавель belsat.eu
