Чацвертую серыю «Праграма перадач» серыялу «Працэсы» праглядзелі больш за 1,057 мільёна разоў на YouTube. Калі вы раптам не глядзелі яе, то прапануем перайсці па гэтай спасылцы.
Каротка і без спойлераў нагадаем, што адбываецца ў эпізодзе «Праграма перадач». Звычайная жанчына Зоя працуе ў краме. Аднойчы ёй тэлефануе сын, але ў слухаўцы чуць толькі стрэлы, крыкі і выбухі. Жанчына шукае сына, які мог загінуць на вайне, але ўсе пераконваюць яе, што вайны не існуе… Куды завядуць Зою пошукі праўды?
Прэм’ера першага белсатаўскага серыялу «Працэсы» адбылася 10 снежня 2023 года. Падчас прэм’еры гледачы падзяліліся, што часам серыял пераклікаецца з брытанскім «Чорным люстэркам». Гэта абсурдная трагікамедыя аб працэсах у Беларусі і па-за ёю.
Рэжысёр – Андрэй Кашперскі.
Арсен Рудэнка belsat.eu
