Патрыярх Кірыла звярнуўся да «ўсіх бакоў, уцягнутых у міжусобны канфлікт» ва Украіне, і заклікаў да часовага спынення агню. Ягоную заяву апублікавалі на сайце РПЦ.
Кіраўнік РПЦ выступіў з ініцыятывай каляднага замірэння. Ён заклікаў «усе бакі, уцягнутыя ў міжусобны канфлікт» ва Украіне, спыніць агонь з 12:00 6 студзеня да 24:00 7 студзеня. Гэта патрэбна, каб вернікі маглі наведаць набажэнствы, гаворыцца ў заяве патрыярха.
На гэты заклік ужо адрэагавалі ў Кіеве. Дарадца кіраўніка Офісу прэзідэнта Украіны Міхайла Падаляк назваў прапанову кіраўніка Расейскай праваслаўнай царквы «цынічнай пасткай ды элементам прапаганды».
«РПЦ не ёсць аўтарытэтам для сусветнага праваслаўя і выступае толькі як «прапагандыст вайны». РПЦ заклікае да генацыду ўкраінцаў, заахвочвае масавыя забойствы і настойвае на яшчэ большай мілітарызацыі РФ», — напісаў Падаляк у Twitter.
Раней патрыярх Кірыла казаў, што смерць расейскіх вайскоўцаў ва Украіне «змывае ўсе грахі», гаварыў, што «нашыя хлопцы цяпер абараняюць Расею на полі бою», службу ў арміі ў ваенны час ён называў «сапраўдным подзвігам», а вайну — «метафізічным змаганнем».
Сяргей Крот belsat.eu