Міліцыянты затрымалі 30-гадовага жыхара Віцебшчыны, які ў Бабруйску здзейсніў гвалтоўныя дзеянні сексуальнага характару ў дачыненні 11-гадовай дзяўчынкі. Супраць педафіла завялі крымінальную справу, паведамляе прэсавая служба МУС.
У Бабруйску міліцыянты затрымалі педафіла. З заявай у міліцыю звярнуліся бацькі 11-гадовай дзяўчынкі, якія паведамілі, што іхная дачка пацярпела ад дзеянняў сексуальнага характару.
Зламыснікам выявіўся 30-гадовы жыхар Віцебшчыны, які прыехаў у Бабруйск да знаёмых. Сталася вядома, што на дварэ ў нецвярозым стане ён звярнуў увагу на дзяўчынку, якая праходзіла побач, пачаў да яе чапляцца, а затым здзейсніў гвалтоўныя дзеянні сексуальнага характару.
Педафіла затрымалі, супраць яго распачалі крымінальную справу.
Алена Аляксандрава belsat.eu
