Экс-лідарка гурта «Срэбнае вяселле» Света Бень і ейная напарніца з дуэту Галя Чыкіс распачынаюць вялікі міжнародны тур, які ахопіць Польшчу, Чэхію, Літву, Латвію, Эстонію, Сербію, Чарнагорыю ды Грузію.
6 красавіка экс-лідарка гурта «Срэбнае вяселле» Света Бень і ейная напарніца з дуэту Галя Чыкіс распачнуць міжнародны тур канцэртам у Вроцлаве. Перад аўдыторыяй спявачкі выступяць з альбомам «Прыём!».
Гэты альбом, які пабачыў свет у снежні летась, стаўся поўнафарматнаю студыйнаю працаю Светы Бень з часоў гурта «Срэбнае вяселле». Вяртанне вакалісткі ды аўтаркі песень адбылося ў тандэме з мультыінструменталісткай і саўндпрадзюсаркаю Галяю Чыкіс.
У межах туру спявачкі выступяць у Польшчы, Чэхіі, Латвіі, Эстоніі, Славаччыне, Чарнагорыі, Грузіі.
Квіткі і рэгістрацыя на канцэрты можна пабачыць па спасылцы.
Алена Аляксандрава belsat.eu
