Вярхоўная Рада Украіны прыняла закон, які дазваляе нацыяналізаваць актывы юрыдычных і фізічных асобаў Расейскай Федэрацыі. Раней законапраект падтрымаў Падатковы камітэт, паведамляе прэсавая служба Вярхоўнай Рады.
Вярхоўная Рада Украіны распрацавала закон, які прадугледжае прымусовую нацыяналізацыю аб’ектаў, што належаць Расейскай Федэрацыі, – і дзяржаве, якая распачала поўнамаштабную вайну супраць Украіны, і яе рэзідэнтам.
Украіна можа нацыяналізаваць рухомую і нерухомую маёмасць, сродкі, уклады ў банках, каштоўныя паперы, карпаратыўныя правы і любую іншую маёмасць, якая размяшчаецца на тэрыторыі Украіны і належаць РФ. Прадугледжваецца, што нацыяналізацыя будзе адбывацца без кампенсавання. Рашэнне будзе прымаць Рада нацыянальнай бяспекі і абароны, яно набудзе моц па падпісанні прэзідэнтам адпаведнага ўказу.
У краінах Еўропы пасля ўвядзення санкцыяў супраць Уладзіміра Пуціна і ягонага атачэння арыштоўваюць маёмасць алігархаў і чыноўнікаў.
У Францыі арыштавалі яхту «AMORE VERO» коштам 120 млн долараў, якая належыць кіраўніку кампаніі «Роснефть» Ігару Сечыну. Улады Нямеччыны арыштавалі яхту мільярдэра Алішэра Усманава коштам 600 млн долараў.
АФ belsat.eu