Пілотаў верталётаў, што парушылі паветраную прастору Польшчы 1 ліпеня, на аэрадроме сустракалі сілавікі, піша «Беларускі Гаюн».
Згодна з дадзенымі беларускай маніторынгавай групы, верталёты Мі-8 і Мі-24 ВПС РБ, якія 1 ліпеня парушылі паветраную прастору Польшчы падчас патрулявання граніцы, сёння перамясціліся з вайсковай часткі ў вёсцы Каменюкі на аэрадром «Мачулішчы».
У Мачулішчах, як сцвярджае «Беларускі Гаюн», пілотаў верталётаў сустрэлі сілавікі.
На замену ў вёску Каменюкі былі адпраўленыя два іншыя верталёты такога ж тыпу, паколькі Лукашэнка «усё яшчэ застаецца ў рэзідэнцыі Віскулі», адзначае маніторынгавая група.
Нагадаем, што ўчора, 1 жніўня, два беларускія верталёты парушылі паветраную прастору Польшчы, заляцеўшы ўглыб яе на 3 кіламетры. Міністэрства нацыянальнай абароны Польшчы адрэагавала на інцыдэнт, выпусціўшы заяву, у якой адзначаецца, што міністр нацыянальнай абароны, старшыня Камітэту нацыянальнай бяспекі і абароны Мар’юш Блашчак загадаў павялічыць колькасць вайскоўцаў на мяжы і вылучыць дадатковыя сілы і сродкі, у тым ліку баявыя верталёты.
Беларускае Мінабароны назвала абвінавачанні «надуманымі» і непацверджанымі, у стылі «адна бабка сказала».
Раман Шавель belsat.eu