Мая Навумава

Сказаў «Жыве Беларусь!» – за краты, прачытаў літаратурны твор пра любоў да радзімы – штраф! На лаве падсудных не толькі актыўныя абаронцы незалежнасці, але і тыя, каго ўвогуле не было на акцыі.

Лёс актывіста анархісцкага руху Міколы Дзядка па-ранейшаму невядомы. Напярэдадні маладзён атрымаў штраф за антыміліцэйскі пост у сацсетцы, а на выхадзе з суда яго затрымалі сілавікі. Меркавана ён знаходзіцца ў ізалятары на Акрэсціна ў чаканні суда за акцыю салідарнасці з палітвязнямі, што адбылася ў мінулы аўторак на Кастрычніцкай плошчы ў Менску.

Чарговы суд і чарговы штраф за акцыю 8-га верасня супраць удзелу расейскіх войскаў у манеўрах на тэрыторыі Беларусі. Вынікі гэткіх працэсаў зрэдку бываюць нечаканыя, як не здзіўляе і тое, што давер да, здавалася б, пачэснай прафесіі ў нашай краіне, пакідае жадаць лепшага. А, як вынікае з апошняга прэзідэнцкага ўказу, нават ва ўладнай вертыкалі стаўленне да слугаў Феміды, як да звычайных рабочых.