Азоўскае мора

Адпаведны закон падпісаў Уладзімір Пуцін

Незразумелая забарона

А мы працягваем сачыць за падзеямі вакол канфлікту ў Керчанскай пратоцы. Сёння з’явілася інфармацыя пра частковае разблакаванне ўкраінскіх партоў у Азоўскім моры. Тэма расейска-ўкраінскіх дачыненняў гучыць і ў NATO. Міністры замежных краінаў альянсу шукаюць выйсця з сітуацыі, якая склалася, але сыходзяцца ў адным: дзеянні Расеі скіраваныя на дэстабілізацыю.

Украіна ў аднабаковым парадку спыніла дзеянне 48-мі міждзяржаўных дамоваў з Расеяй. Пра гэта ў эфіры тэлеканалу «1+1» заявіў міністр замежных справаў нашай паўднёвай суседкі Паўло Клімкін. Кіраўнік украінскай дыпламатыі заявіў, што ў найбліжэйшы час Кіеў рыхтуе разрыў чарговых сарака дамоваў.

Канфлікт паміж Расеяй і Украінай не спадае. Доналд Трамп адмяняе сустрэчу з Уладзімірам Пуціным, таму што ў няволі застаюцца ўкраінскія маракі, а ўкраінскі бок абмяжоўвае ўезд для мужчынаў-расейцаў на свае тэрыторыі. Размаўляем у студыі з Вольгай Паповіч, палітычнай аглядальніцай з Украіны:

Аднапавярховы домік у вёсцы пад Адэсай. Тут жыве сям’я 18-гадовага Андрэя Эйдэра. Яго разам з іншымі ўкраінскімі маракамі захапілі ў палон расейскія сілавікі. Ён – адзін з трох цяжкапараненых.

Расея ўтрая павялічыла колькасць танкаў на мяжы з Украінай, ёсць пагроза поўнамаштабнай вайны. Украінскі прэзідэнт Пятро Парашэнка агучыў апошнія звесткі выведкі

Заўтра ў дзесяці вобласцях Украіны запануе рэжым ваеннага становішча. Сярод рэгіёнаў, ахопленых гэтымі захадамі, і памежная з Беларуссю Чарнігаўшчына. Нашыя журналісты выправіліся на месца і запыталіся ў жыхароў Чарнігава, як яны ўспрынялі навіну пра ўвядзенне ваеннага становішча. Таксама мы размаўляем з карэспандэнтам у Чарнігаве Андрэем Толчыным

30 дзён баявой гатовасці. Пасля гарачых дэбатаў Вярхоўная Рада Украіны зацвердзіла ўказ прэзідэнта Пятра Парашэнкі аб увядзенні ваеннага становішча з 26 лістапада гэтага году.

Уначы ў Кіеве сабралася паседжанне Рады Нацыянальнай бяспекі і абароны. Менавіта ў агрэсіі абвінавацілі Расею ў МЗС Канады, Латвіі, Польшчы і Эстоніі. Ёсць у гэтай сітуацыі і патэнцыйная небяспека для нашай краіны.

Тое, што яшчэ ўчора раніцаю выглядала як непаразуменне на моры, прывяло да стральбы на паражэнне, захопу ўкраінскіх караблёў, практычна блакады Азоўскага мора і ўвядзення ваеннага становішча ва Украіне. Як пачынаўся новы віток расейска-ўкраінскай вайны?

26-га лістапада. Ігар Кулей запрашае на адмысловае выданне «Студыі Белсат» па канфлікце паміж Украінай і Расеяй. Сённяшняе выданне цалкам прысвечанае збройнаму канфлікту, які адбыўся ў Керчанскім праліве. Дадзенае выдарэнне нас, беларусаў, мусіць турбаваць не менш, чым расейцаў і ўкраінцаў. Можна доўга паўтараць, што нашая хата з краю, але полымя вайны не абміне і наш дом.