У праграме «Размова ProContra» Святлана Калінкіна і Уладзімір Мацкевіч гутараць з журналістам Віктарам Федаровічам.
«Ідзе барацьба не з карупцыяй, а з нейкімі асобнымі сферамі, напрамкамі. Той жа Камітэт дзяржбяспекі за апошнія гады бярэ адну галіну – Міністэрства лясной гаспадаркі пачысцілі, потым у спісе – прамысловыя прадпрыемствы, потым яшчэ, і яшчэ, і яшчэ. Дзякуючы гэтаму можна прагназаваць, як далей будзе развівацца нашая беларуская карупцыя. Магу сказаць, што з-за вялікіх праблемаў з фінансамі ў Беларусі наступнаю будзе група кіраўнікоў прамысловых прадпрыемстваў», – выказаўся Віктар Федаровіч.
Шукайце адказы на складаныя пытанні ў «Размове ProContra» са Святланаю Калінкінай і Уладзімірам Мацкевічам ды з журналістам Віктарам Федаровічам.
- У чым таямніцы «цукровай мафіі»?
- Чаму за дзесяцігоддзі паспяховай, паводле ўраду, барацьбы з карупцыяй, усё стала толькі горш?
- Якая сфера найбольш карумпаваная ў Беларусі?
- Чаму былы намеснік начальніка ГУБАЗіК МУС Уладзімір Ціхіня мог стаць мільянерам, але не стаў?
- Ці сапраўды неразрыўна звязаныя карупцыя і дзяржава?
Спецыяльна для тых, каму зручней слухаць, а не глядзець, «Размова» запускае падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас.
