Ці здольная апазіцыя супрацьстаяць Лукашэнку на выбарах?

Гарачая пара прэзідэнцкіх выбараў адным дорыць надзею, у іншых выклікае ўспаміны. Пасля кожнай кампаніі некалькі актыўных гульцоў палітычнага поля Беларусі сыходзяць у цень.

Былы актывіст, палітычны вязень Павел Вінаградаў разам з вядоўцай праграмы «Размова» Святланай Калінкінай згадваюць падзеі дзесяцігадовай даўніны і ствараюць прагнозы – ці не паўторацца жорсткія рэпрэсіі мінулага гэтым разам?

Вінаградаў падкрэслівае, што галоўнае адрозненне сёлетняй выбарчай кампаніі ад таго, што адбывалася ў 2010-м, – адсутнасць грошай у палітычных апанентаў улады. Заходнія партнёры не моцна вераць у поспехі беларускай апазіцыі ды баяцца дэстабілізацыі сітуацыі ў рэгіёне пасля падзеяў ва Украіне. Дый пратэставы патэнцыял жыхароў Беларусі прыглушаны адноснай стабільнасцю ў краіне.

«Цяпер я не веру, што мы збяром умоўныя 100 тысячаў на вуліцах Менску. Канечне, я цяпер не веру – але пабачым, што будзе, бо жарсці будуць разгарацца. Чым бліжэйшы дзень выбараў, тым найхутчэй больш неадэкватна будуць паводзіцца Лукашэнка і тыя, хто называюць сябе ўладай у прынцыпе», – лічыць Павел Вінаградаў.

Да чаго прывядуць пратэсты?

Павел Вінаградаў не хавае скептычнага стаўлення да тых, хто хоча стаць адзінымі кандыдатамі ад апазіцыі, але прызнаецца – калі трэба, ён пойдзе за тымі, хто павядзе на плошчу.

Ці ёсць месца аптымізму, калі глядзець на будучыя выбары з пазіцыі былога палітычнага актывіста? Глядзіце «Размову» цалкам, каб атрымаць адказ на гэтае ды іншыя пытанні.



Спецыяльна для тых, каму зручней слухаць, а не глядзець, «Размова» запускае падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас.

Праграма «Размова» выходзіць на «Белсаце» з панядзелка да чацвярга а 21:20. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.
А таксама падпісвайцеся на «Размову» ў Facebook, ВКонтакте, «Одноклассниках», Twitter, Instagram і Telegram.

Больш матэрыялаў

Святлана Калінкіна: Савецкі Саюз ажыў, і мы яго пабачылі

Ці выйдуць прадпрымальнікі на Плошчу?

Улады будуць жорстка разганяць людзей на мітынгах?

Валер Карбалевіч: Уладам выгадна схаваць галоўных апанентаў Лукашэнкі

Эпідэмія COVID-19 зверне шыю Лукашэнку?

Чаму Бабарыка не крытыкуе Лукашэнку?

Ці можна засудзіць Лукашэнку за сітуацыю вакол COVID-19 у Беларусі?

«Не вар’яты і не самазабойцы». Лідар пратэстаў 1990-ых пра альтэрнатыўных кандыдатаў