Ці будзе Беларусь незалежнай? Застаўся месяц да падпісання пагаднення з Расеяй

8 снежня Лукашэнка і Пуцін павінныя падпісаць пагадненне аб так званай паглыбленай інтэграцыі. Што гэта азначае? Беларусь падводзяць да страты незалежнасці?

Афіцыйныя ўлады не раскрываюць, што закладзена ў дакументах, але супакойваюць народ: «суверэнітэт — гэта святое», а з Расеяй плануецца толькі эканамічная інтэграцыя. У той жа час шэраг вядомых аналітыкаў і грамадскіх дзеячаў упэўненыя, што пасля 8-га снежня можа здарыцца чарговая і нават фатальная памылка, якая нанясе страшны ўдар па Беларусі. Зрэшты, чырвоныя рысы ўжо перакрочаныя і Беларусь на мяжы паглынання, лічаць эксперты.

Некаторыя госці студыя лічаць, што кардынальных зменаў пасля 8 снежня не адбудзецца, але Беларусь у цяжкім эканамічным становішчы, выбрацца з якога надзвычай складана. Але магчыма.

Што здарыцца з краінай і чаго нам чакаць? Пра гэта ў студыі ток-шоу «Кожны з нас» дыскутуюць філосаф і метадолаг Уладзімір Мацкевіч, паэт і палітык Уладзімір Някляеў, сацыёлаг Дзмітрый Грамакоў (Украіна), палітолаг і старшы аналітык «Цэнтра еўрапейскай трансфармацыі» Андрэй Ягораў, палітычны аглядальнік Віталь Цыганкоў, дырэктар Усходнееўрапейскай Школы палітычных даследаванняў Аляксандр Дабравольскі, грамадскі актывіст Сяргей Бульба, эканаміст Леанід Фрыдкін, а таксама экс-старшыня Нацбанка Станіслаў Багданкевіч.

Праграма «Кожны з нас» выходзіць кожную пятніцу а 18:35. Глядзіце праз спадарожнік «Астра 4A» (ранейшая назва «Sirius 4»), онлайн, на YouTube-канале «Белсат Life» і на нашай старонцы.

Больш матэрыялаў

«Я пабачыла тое, чаго ніколі не чакала ў медыцыне». Што адбываецца за дзвярыма больніцаў?

Не важна, чым скончацца выбары. Самае цікавае пачнецца пасля іх

«Прадай кватэру і на гэтыя грошы купі дзве». Ці варта рызыкаваць падчас крызісу?

Вялікая Айчынная вайна – прапагандысцкі міф ці нагода для гонару?

Рост коштаў, звальненні, галеча. Беларусь чакае вяртанне ў 1990-я

«Гэта біялагічная бомба». Дактары ды сваякі загінулых – пра каронавірус

Ні дыягназу, ні інваліднасці, ні пенсіі: чарнобыльцы распавялі, як іх ашукала дзяржава

Перамагчы смерць: беларусы распавялі пра цуды, што з імі сталіся