«Там была мясарубка». Чаму прадпрыемства адмаўляецца кампенсаваць шкоду сваякам загінулых рабочых?

Брыгада рабочых з васьмі чалавек Мазырскага філіялу трэсту «Белсантэхмантаж № 1» у верасні 2018 года вярталася з Астраўца, дзе працавала на будоўлі АЭС.

На 104-м кіламетры трасы Менск – Гомель адбылася аварыя – у машыну, якая перавозіла рабочых, урэзаўся аўтамабіль, за стырном якога быў нецвярозы кіроўца. У тым ДТЗ загінуў муж Марыны Зямецкай – Аляксандр. Жанчына распавяла здымачнай групе «Маю права», што працоўнае абсталяванне перавозілася ў салоне разам з людзьмі.

«Там была мясарубка, там было 70 кілаграмаў жалязяк», – распавядае Марына Зямецкая.

Суд прызнаў вінаватым у ДТЗ кіроўцу аўтамабіля, які ўрэзаўся ў машыну з рабочымі. Ён таксама загінуў.

«Наступствы перавозу інструментаў ды іншыя парушэнні тэхнікі бяспекі не былі расследаваныя належным чынам», – кажа спадарыня Марына.

Людзі ўсё часцей гінуць на працы. Хто за гэта адказны?

У аварыі загінуў яшчэ адзін рабочы брыгады – 38-гадовы Віталь Шэўка. Без бацькі засталіся двое дзяцей.

«Старэйшаму сыночку споўнілася 14 гадкоў, дачушцы – тры гады», – распавядае бацька Віталя, спадар Зміцер.

Прадпрыемства «Белсантэхмантаж № 1» аплаціла жалобную цырымонію і надмагільныя помнікі, выплачвае пенсію па страце кармільца. Скампенсаваць жа маральную шкоду пацярпелым у той аварыі і родным загінулых адмаўляецца.

«Суд прысудзіў выплаціць нам гэтыя маральныя страты. Але арганізацыя падала на апеляцыю, разгляд апеляцыі прайшоў 27 снежня, – кажа Марына Зямецкая. – Рашэння суда засталося ў моцы, але арганізацыя не плаціць».

«Нашая арганізацыя не прызнае гэтых пазоваў»

Віктару Рабянку пашанцавала: ён у аварыі выжыў. Доктар у бальнічным лісце напісаў, што ў Віктара – побытавая траўма. Яму давялося праз суд дамагацца, каб траўмы прызналі вытворчаю. Спадар Віктар згубіў 80 адсоткаў працаздольнасці. Да таго трагічнага ДТЗ ён прапрацаваў у «Белсантэхмантажы» 18 гадоў, мае шмат граматаў і падзяк.

«Суд мне прысудзіў 35 тысяч [рублёў], каб яны мне сплацілі. Але яны толькі частку грошай пералічылі, астатняе – нічога не выплацілі», – кажа Віктар.

Карэспандэнты «Маю права» накіраваліся ў «Белсантэхмантаж», каб даведацца, чаму арганізацыя адмаўляецца скампенсаваць маральную шкоду. Начальнік аховы працы трэсту «Белсантэхмантаж № 1» Аляксандр Рамановіч так пракаментаваў пазіцыю прадпрыемства:

«Нашая арганізацыя не прызнае гэтых пазоваў, бо насамрэч не было няшчаснага выпадку на вытворчасці. Рэальна прызнаваць людзей пацярпелымі ў няшчасным выпадку, якія пакінулі месца працы і не зразумела дзе атрымалі траўмы, скалечанне, у тым ліку і смяротныя пашкоджанні. Неправамоцна».

130 рублёў за 29 працоўных дзён. Сяляне працуюць у нечалавечых умовах

Каб дамагчыся годнае кампенсацыі, сваякі пацярпелых звярнуліся па дапамогу да праваабаронцаў.

«Хаця прамой віны наймальніка няма, але ж аўтамабіль – гэта крыніца павышанай небяспекі, – кажа Леанід Судаленка, прадстаўнік прафсаюзу РЭП. – І, паводле Грамадзянскага кодэксу, уласнік гэтай крыніцы, нават без сваёй віны, павінен кампенсаваць маральную шкоду».

Таксама ў праграме «Маю права»:

  • Кіроўца-дальнабойнік пасля аварыі ў Расеі не можа атрымаць кампенсацыі
  • Беларусы – пра траўмы на вытворчасці
  • У Баранавіцкім інтэрнаце забараняюць хатнюю жывёл
  • У жыхаркі Давыд-Гарадка забралі сына праз яе інваліднасць

Глядзіце праграму «Маю права» цалкам:

Праваабарончую праграму «Маю права» глядзіце кожную сераду а 19:05 на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн або ў закладцы «Праграмы» на нашай старонцы.

Больш матэрыялаў

Мужчына праз невыносны боль ходзіць на працу, бо не можа атрымаць інваліднасці

На заводзе пад Петрыкавам людзі паўгода чакаюць заробак

Мужчына дапамог ДАІ злавіць парушальнікаў і сам атрымаў штраф

Кіроўцы Менсктрансу скардзяцца на ўмовы працы, штрафы і ціск кіраўніцтва

Валанцёрка – уладам: «Разбярыце адну рэзідэнцыю, здайце на металалом! Ды зрабіце хоць нешта!»

Маёмасць знеслі, гаспадароў затрымалі. Юрысты мяркуюць, што гэтак чыноўнікі замятаюць сляды

Вайна з судом. Ці магчыма ў Беларусі перамагчы сістэму?

Памылка ДАІ, якая дорага каштавала. Ахвяра ДТЗ змагаецца за кампенсацыю