Ці чулі вы, напрыклад, што Каліноўскага прызналі беларусам, дзякуючы перапісцы Маркса і Энгельса, а магілу героя насамрэч знайшлі 100 год таму?
Вялікай падзеяй для сучаснай Беларусі магло б стаць пахаванне парэшткаў Кастуся Каліноўскага ў Менску. Сотні беларускіх дзеячаў культуры, у тым ліку Святлана Алексіевіч, Уладзімір Арлоў, Віктар Марціновіч, Лявон Вольскі, падпісалі адпаведны зварот да кіраўніцтва Літвы. Аднак іншыя прадстаўнікі беларускай інтэлігенцыі выказаліся супраць.
У новым выданні ток-шоу «Кожны з нас» гісторык Аляксандр Краўцэвіч, літаратар і пісьменнік Сяргей Дубавец, гісторык Алег Трусаў, метадолаг і філосаф Уладзімір Мацкевіч, архітэктар Вадзім Пракопчык, грамадскі актывіст Вадзім Саранчукоў узгадваюць малавядомыя факты пра славутае паўстанне, распавядаюць пра сённяшняе ўшанаванне памяці Кастуся Каліноўскага, а таксама горача дыскутуюць над пытаннем: дзе сапраўды варта пахаваць беларускага нацыянальнага героя?
Праграма «Кожны з нас» выходзіць кожную пятніцу а 18:35. Глядзіце праз спадарожнік «Астра 4A» (ранейшая назва «Sirius 4»), онлайн, на YouTube-канале «Белсат Life» і на нашай старонцы.