Што думаюць чыноўнікі пра магчымы недахоп харчоў?

Спачатку анамальна цёплая зіма, потым эпідэмія каронавіруса. Пасля першай могуць быць праблемы з ураджаем, а пасля другога мы рызыкуем застацца без імпартных тавараў. І гэта праблема, бо імпарт займае значную частку харчовых паліцаў у крамах. Што пра тое думаюць чыноўнікі і ці збіраюцца нешта рабіць, аналізуе эксперт «Асабістага капіталу» Міхал Залескі.

Савецкі Саюз праслаўлены быў нормамі і нарматывамі. Панапісвалі іх камуністы на ўсе выпадкі жыцця. Былі і страшныя: у крайнім выпадку на суткі прадугледжвалася 160 г мукі і літар вады – рабі сабе боўтанку і праваюеш два тыдні. Меней нельга. І ў наш мірны час ёсць свая мяжа. Сёння пагаворым пра харчовую бяспеку.

Бо ёсць нават Дактрына нацыянальнай харчовай бяспекі да 2030 года і Міністэрства антыманапольнага рэгулявання і гандлю, калегія каторага парадавала народ рэкамендацыямі па выкананні тае дактрыны.

10 апірышчаў харчовай незалежнасці

І праўда, калі ў хаце ўсё гэта ёсць ды ў дзяржаве тога ў дастатку, можна жыць і не бедаваць. Першая харчовая небяспека зараз не ў тым, што не хапае чагосьці, а ў тым, што многа імпартаванага. Пра другую небяспеку, што добрая рыба, ялавічына і садавіна палавіне спажыўцоў не па кішэні – дзіўна думаюць міністры.

Імпартаваць харчы ў Беларусь прасцей і выгадней, чым вырошчваць і гадаваць тут. Бо зямля нібыта ўсім належыць і ў выніку – нічыя. Што ў вёсках – усе бачаць.

Доля харчовых тавараў імпартнай вытворчасці

Па замысле аўтараў дактрыны харчовых тавараў прывазных павінна застацца 15 %, а як у крамах палічылі – то ёсць 23 %. Здавалася б, той бяды, паднаціснуць вяскоўцы і з вясёлымі песнямі прыйдуць да выбараў з рэкорднымі… Стоп-стоп-стоп… Нікуды яны не прыйдуць, бо жыццё не такое простае, як здаецца: яно значна прасцейшае.

Да такой ступені, што разумееш: ніякай харчовай бяспекі тут і блізка няма, а відаць толькі чорны цень савецкай нормы.

Небяспечныя пазіцыі

Вось, напрыклад, рыбу і садавіну прывозім амаль што ўсю, якую спажываем. І тут варта ўспомніць дзіўныя рэчы.

Да 1917 году наш край, браўшы ў сучасных межах, быў чыстым экспарцёрам рыбы і забяспечваў Маскву і Піцер вішнямі, грушамі і ляснымі ягадамі.

А рыба давала тут 20 % пратэіну насельніцтву, не тое што цяпер – ласунак.

З грэчкаю, алеем і шмат чым яшчэ – ня надта лепей. Усё пералічанае і згаданае не выгадна вырабляць дзяржаўным парабкам, а сялянаў ліквідавалі як саслоўе.

Рост цэн на «сацыяльна значныя» тавары

Растуць цэны, а зрабіць спажыўцоў харчоў плацежаздольнымі і вытворцаў праз тое – заможнымі, розуму не хапае ў начальства. Вось і працягваюць бальшавіцкую гульню ў нарматывы. З гонарам дакладваюць аб распрацоўцы чарговых, цытую, «рэкамендацый па гранічных максімальных узроўнях гандлёвых надбавак на сацыяльна значныя тавары».

Рэкамендацыі на хлеб не намажаш і ў краме імі не разлічышся, таму кожны павінен сам клапаціцца пра харчовую бяспеку сваёй сям’і, а дзеля таго падвышаць кваліфікацыю і дамагацца справядлівай аплаты працы. Поспехаў.

Таксама ў праграме «Асабісты капітал»:

Глядзіце праграму «Асабісты капітал» кожны панядзелак а 19:00 на тэлеканале «Белсат», а таксама онлайн на нашым сайце. Далучайцеся да нашых старонак ў Facebook ды Одноклассниках. Падпісвайцеся на нашу рассылку і раз на месяц вы будзеце атрымліваць ліст з чатырма найбольш карыснымі сюжэтамі «Асабістага капіталу».

Міхал Залескі, belsat.eu

Фота: Caters News / Forum

Больш матэрыялаў

Грошы скончыліся. Як выжыць без іх?

«Каму гэтая інфармацыя што дасць?» Як ад беларусаў хаваюць сапраўдны маштаб эпідэміі

Грошы на чужой бядзе. Хто нажываецца на эпідэміі?

Новая нармальнасць. Якой будзе Беларусь пасля пандэміі?

Каронакрызіс. Параўналі дзяржаўную дапамогу ў Беларусі ды іншых краінах

Медыцына не для ўсіх. Дзе і хто лечыць чыноўнікаў?

Крызіс на парозе. Як уратаваць свае ашчаджэнні?

Не грэчкай адзінай. Чым трэба закупіцца на выпадак каранціну?