Міхэіл Саакашвілі ў інтэрв’ю Аліне Коўшык раскрывае невядомыя факты: Пуцін прапаноўваў USD 2 млрд. Лукашэнку за прызнанне Абхазіі і Паўднёвай Асетыі. У «Прасвеце» эксклюзіўнае інтэрвʼю з экс-прэзідэнтам Грузіі, а таксама з былым губернатарам Адэскай вобласці Міхэілам Саакашвілі.
Іншыя тэмы праграмы:
Смерць вулічных пратэстаў
Упершыню з 1996 года не было традыцыйнага вулічнага шэсця ва ўгодкі чарнобыльскай трагедыі. Улады акцыю дазволілі, але выйшлі толькі 30 чалавек. Прычына – нежаданне, а як кажуць крытыкі, – і няздатнасць арганізатараў аплаціць паслугі праваахоўнікаў адпаведна з пастановай аб новым парадку арганізацыі масавых мерапрыемстваў. Гаворка пра 5700 рублёў. Ці знайшлі ўлады канчатковае развязанне праблемы вулічных пратэстаў? Матэрыял Усевалада Шлыкава.
Саакашвілі: «Пуцін правярае Зяленскага на вашывасць»
Усе еўрапейскія чыноўнікі былі ўпэўненыя што Лукашэнка прызнае Абхазію і Паўднёвую Асетыю, – прызнаецца Міхэіл Саакашвілі ў інтэрвʼю Аліне Коўшык. Што ён думае пра беларускі народ? Што можа паўстрымаць Пуціна ад анексіі Беларусі? Чаму Пуцін не разумее Зяленскага? Што ён цяпер арганізоўвае і калі вернецца ва Украіну? Глядзіце ў інтэрв’ю з экс-прэзідэнтам Грузіі, а таксама з былым губернатарам Адэскай вобласці Украіны.
Як Данецкі ўніверсітэт знайшоў новы дом
Тэрмін «унутрана перамешчаная асоба» зрабіўся надзвычай актуальным з пачатку канфлікту на Данбасе. А ці можа быць унутрана перамешчаная навучальная ўстанова? Улетку 2014 года, калі Данецк быў захоплены тэрарыстамі, адукацыйныя пытанні стаялі далёка не на першым месцы. Але студэнты і выкладчыкі не паддаліся ды вырашылі ратаваць Данецкі ўніверсітэт. Матэрыял Змітра Міцкевіча.
Ці падарыў надзею казахскай моладзі сыход Нурсултана Назарбаева?
Казахстан набліжаецца да датэрміновых прэзідэнцкіх выбараў, і нашыя карэспандэнты сустрэліся з маладымі людзьмі ў Алмаце і Нур-Султане – каб даведацца, пра што марыць казахская моладзь. Першы не цікавіцца палітыкай і плануе неўзабаве з’ехаць з краіны. Другая гераіня, наадварот, вярнулася ў Казахстан пасля адстаўкі Нурсултана Назарбаева. Ці з’явілася ў Казахстане надзея? Рэпартаж Аркадзя Несцярэнкі і Дзяніса Дзюбы.
Міжнародны тэлечасопіс «ПраСвет» з Алінаю Коўшык ды Сяргеем Пелясою глядзіце штотыдзень у пятніцу а 21:25. Заходзьце на Facebook праграмы!
