Праблемныя аўты. Людзі губляюць грошы праз няўважлівасць ДАІ

Два гады таму Таццяна Крэнь набыла аўта. З таго часу аўтамабіль папросту стаіць каля дому і гніе.

«Ніякіх сумневаў аўтамабіль пры набыцці не выклікаў. Дакументы былі ў парадку і VIN адпавядаў дакументам. Але пры пастаноўцы на ўлік выявілася, што дадзены VIN не адпавядае гэтаму аўта. То бок ён перабіты», – распавядае Таццяна.

Хлопца судзяць за крадзеж свайго ж аўта. Яму пагражае ад 3 да 5 гадоў зняволення

Праз два месяцы экспертыза высветліла: частка кодаўба, на якой выбіты ідэнтыфікацыйны нумар, была замененая, і машыну не зарэгістравалі. У Таццяны тады ўзнікла пытанне: чаму ж пры праверцы і зняцці з уліку гэтага аўтамабіля працаўнікі ДАІ гэтага не выявілі? Жанчына напісала скаргу ў Міністэрства ўнутраных справаў.

«Я атрымала адказ, у якім напісана, што рашэнне аб адмове ў ажыццяўленні адміністрацыйнай працэдуры пакінуць без зменаў, – кажа Таццяна Крэнь. – А адміністрацыйную скаргу без задавальнення».

У Жодзіна не дарога, а паласа перашкодаў. Замест асфальту – яміны з вадою

Выпадкова Таццяна даведалася, што ў Менску прайшло судовае паседжанне, дзе аплаціць размытненне ейнага аўтамабіля абавязалі папярэдняга ўласніка.

«50 % заробку дзяржава з мяне ўтрымлівае. Апошні заробак – 169 рублёў да выплаты. А Таццяну мне па-людску вельмі шкада. Але я набыў такі аўтамабіль. Мне яго адрамантавалі і нешта там зрабілі. І абвінавацілі ў тым, што я няправільна ўехаў на тэрыторыю Рэспублікі Беларусь. Я ім тлумачу: дык тады на мяжы? Я на ім пяць гадоў па Беларусі ездзіў, а пасля вырашыў папросту прадаць!», – кажа Сяргей Мурач, які прадаў Таццяне аўта.

Амаль палова беларусаў жыве менш чым на 16 рублёў на дзень

У Таццяны сканфіскавалі транзітныя нумары ды анулявалі ўсе існыя дакументы на машыну. Ёй прапанавалі аплаціць размытненне аўта, і толькі пасля гэтага яна атрымае магчымасць зарэгістраваць набыты транспартавы сродак.

«Ёсць вызначаныя нарматыўна-прававыя акты, якіх неабходна прытрымлівацца. Па дадзенаму выпадку праводзіліся судовыя разборы, было прынятае рашэнне. Па-людску я магу зразумець! Калі яна мае жаданне, то можа да нас звярнуцца паўторна. Мы заўсёды рады!», – кажа кіраўнік рэгістрацыйна-экзаменацыйнага аддзялення Кобрынскага ДАІ Андрэй Ігнацюк.

Мытнікі канкрэтызавалі, як ільготнікам атрымаць зніжку на ўвоз аўто ў Беларусь

Юрыст abw.by Яўген Грачоў, каментуючы выпадак Таццяны Крэнь, кажа, што пазоў у суд аб прызнанні права ўласнасці на аўтамабіль – адзінае выйсце з сітуацыі.

«Калі дадзенае аўта не знаходзіцца ў вышуку, суд можа пакінуць аўта за канкрэтным уласнікам. У гэтым выпадку могуць зарэгістраваць аўтамабіль з пазнакаю ў тэхпашпарце, што VIN зменены на іншы», – тлумачыць юрыст.

Грачоў дадае, што сёння абараніць сябе ад сітуацыі, у якой апынулася Таццяна, амаль немагчыма, бо якасць падробак вельмі высокая, і выявіць яе без экспертнай праверкі вельмі цяжка.

«На жаль, тут усё зводзіцца на якасць праверкі, якую праводзіць адказная асоба ДАІ пры рэгістрацыйных дзеяннях», – адзначае Яўген Грачоў.

Падводныя камяні каршэрынгу. За ДТЗ можна заплаціць як за новую машыну

Таксама ў праграме «Маю права»:

  • Як пажарнік хацеў замест жонкі даглядаць дзіця
  • Чаму ба́цькі не бяруць адпачынку для догляду за дзецьмі?
  • У Гомлі жыхары патрабуюць капітальнага рамонту
  • Дзясяткі асобаў так і не атрымалі лазні пад ключ

Глядзіце праграму «Маю права» цалкам:

Праваабарончую праграму «Маю права» глядзіце кожную сераду а 19:05 на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн або ў закладцы «Праграмы» на нашай старонцы.

Больш матэрыялаў

Мужчына праз невыносны боль ходзіць на працу, бо не можа атрымаць інваліднасці

На заводзе пад Петрыкавам людзі паўгода чакаюць заробак

Мужчына дапамог ДАІ злавіць парушальнікаў і сам атрымаў штраф

Кіроўцы Менсктрансу скардзяцца на ўмовы працы, штрафы і ціск кіраўніцтва

Валанцёрка – уладам: «Разбярыце адну рэзідэнцыю, здайце на металалом! Ды зрабіце хоць нешта!»

Маёмасць знеслі, гаспадароў затрымалі. Юрысты мяркуюць, што гэтак чыноўнікі замятаюць сляды

Вайна з судом. Ці магчыма ў Беларусі перамагчы сістэму?

Памылка ДАІ, якая дорага каштавала. Ахвяра ДТЗ змагаецца за кампенсацыю